Пред неколку дена во Народниот Музеј во Кикинда, Србија започна изложбата на дела кои базично се дефинирани како улична уметност и вообичаено може да се сретнат на улица.
Една од идеите на организаторот (senph42) за оваа изложба е тоа да уличната уметност го заземе своето заслужено место во изложбените простори како и класичната уметност.

На неговиот повик за учество се имаат пријавено street art уметници од повеќето делови на планетата така оваа изложба има интернационален карактер.
Меѓу другото уште една изложба за мене надвор од грaниците на нашата држава за која сум поприлично среќен и благодарен. Организаторот има направено прекрасна селекција на авторите и делата кои ги презентира и да, изложбата ќе биде отворена т.е. е отворена во наредниве две недели во просториите на музејот.

Одличен постер за изложбата во прилог и исто дел од зборовите кои организаторот ги споделува за оваа изложба.



S3T ART je grupna izložba preko 15 umetnika iz zemlje i inostranstva, koji svoje radove predstavljaju prvenstveno u javnim prostorima. Ulična umetnost pored tradicionalnih grafita-murala obuhvata i slike izrađene pomoću šablona, kao i nalepnice, plakate, video projekcije, instalacije i druge intervencije u javnim prostorima. Ovi radovi su često reakcije na aktuelna dešavanja, ili su u bliskoj interakciji sa svojim okruženjem. Oni su u većini slučajeva postavljeni bez dozvole, ali su mnogo prihvaćenije nego "tradicionalni" grafiti.
Cilj ove izložbe jeste da predstavi radove lokalnih umetnika kao i njihovih kolega iz više od 10 zemalja sa četiri kontinenta, i da dokaže da iako su ove slike, nalepnice i plakati pre svega namenjeni za izlaganje na ulicama, isto tako se uklapaju i u tradicionalni izložbeni prostor.

Učesnici: A1one(IRI) Enzo(SRB) KihuPotru(MKD) Lexie69(SRB) Madaras(HUN) Nerd(USA) Reik(SRB) Riseone(UK) Senph42(SRB) Shyeone(GER) Snow(KEN) Stelleconfuse(ITA) Strifu(ITA) Tona(GER) Tony(SRB)

senph42 web page
senph42 twitter
senph42 Flickr

In time, everyone should watch The Day After Peace

Nick Fraser, Commissioning Editor, Factuals, BBC

Добар ден. Се надевам дека сте добро, мирно.. да мирно, темава за која ќе нафрлам неколку збора за да продолжи да ми биде и мене така мирно. Пишував и порано за оваа тема, за овој ден, повеќе сум зборувал. Досадно би било да почнам да ги редам правилата до кои треба да да се придржуваме за да живееме во хармонија со луѓето, животните, природата..

Денес кога е глобален ден на мирот насекаде можат да се најдат линкови на луѓе кои зборат преку сопствените искуства за тоа како е да се живее со разбирање и мир. Како да се негуваат човековите односи, да се грижиш за пријателите, соседите, најблиските. Како да се научиш да толерираш, да прифаќаш најразлични култури и сл. (да не го претворам во букварче текстов)

Засега 'International day of Peace' е на 23 место на Google search, и со тоа покажува дека и не е така мала информација за луѓево ширум светот овој ден.
Организацијата/ асоцијацијата или здружението на граѓани, whatever, како сакате, PeaceOneDay организираат најразлични активности за денешниов ден. Собираат донации, блогираат, информираат. Сакаме сите да ја подигнеме свеста на луѓето колку е значаен мирот во целост, за сите, без отстапки. До вечерва рејтингот на google сигурно ќе се подобри ако видиме дека до само пред неколку час беше на 38 место.

Од оваа организација, поточно од основачот, режисерот @JeremyGilley доаѓаат милиони идеи како овој ден би можел да се развие во иднина. Од ден да премине во недела, во месец, година, во живот во кој ќе се потрудиме како сВесни луѓе да го зачуваме мирот онаму каде го има и да ја промениме ситуацијата со воените зони, народи, нации, традиции.

Во соработка со Puma тој ги инспирира луѓето да организираат играње фудбал, наједноставен настан во чест на овој ден. Луѓе од цел свет трчаат денес, се радуваат, ги анимираат своите најмили.
Да биде така мирно, да би можеле сите да играат фудбал, вели Jeremy во еден од многуте магазини каде даде изјава за овој ден.
Го поддржав како што досега ги поддржав Денот на мајката Земја и Часот на мајката Земја. Овие глобални настани, го инспирираат духот на луѓето кои се креативни и кои ја делат својата енергија. Се надевам иднината на овие настани ќе донесе поубави резултати од она што ние денес го нарекуваме живот.
Реков дека го поддржав овој настан, како што треба, како што е редот. Заиграв и јас фудбал со некои од учениците во училиштето во кое работам. Не многу, но доволно да се испотат, да се насмеат и да одат во автомобилите на нивните родители среќни. Мислам дека е доволно ова, од физички аспект мислам, што е многу, многу е. Мислам фудбалот!

Убаво е кога би било така мирно насекаде, позитивна мисла праќам на местата во ова зрно од планета каде малите деца не спијат, нивните мајќи плачат, а татковците, нив еден по еден ги нема..

да биде секој ден, Peace day!

PeaceOneDay на twitter
PeaceOneDay на facebook

Можам да пишувам за Basquiat многу. Тој е еден од модернистистите (нео - експресионист) од кои сум посебно инспириран. Почнал како уличен/ графити сликар, за да неговите дела на крај завршат во најглавните галерии ширум светот. Презентира нов начин на живеење, даде нова дефиниција за животот. Уникатен, оригинален сликар со краток животен век, но голема историја позади него. Доколку сакате да прочитате повеќе за него и неговата работа можете да најдете овде и овде. Може да се најдат испишани стотици страници каде во целост стои историјата на неговиот живот делата кои ги создал и неговиот приватен живот, во кратко, Basquiat умира од over dose на 27 години во 1988 г. и остава позади него околу 3000 дела содадени во период од 8 години.

Овде само ќе споменам дека за време на мојата посета на Швајцарија, Базел, имав можност да ја посетам The Beyeler Foundation gallery и да ја погледнам ретроспективната изложба на делата на Basquiat. Беа изложени повеќе од 100 слики, цртежи и најразлични објекти, со карактеристичен храбар, болдиран и светол стил, распоредени во неколку изложбени простории. Многу од делата кои беа презентирани припаѓаат на приватни колекции и чувството да ја имаш можноста да ги видиш сите на еднаш беше неопишливо.



Комбинацијата на пораките, боите, ликовите, карактерите и луцидната комбинацијата на најразлични објекти и freaky материјали, е нешто по кое Basquiat ќе остане запаметен. Детската игра на наивните линии кои од едниот крај на сликата завршуваат како пајажина на другиот, боите кои некогаш како близнаци соединуваат, некогаш дејствуваат како посебни планети. ..

Некои од фотографиите кои ги направив со мојот мобилен. Не се ни приближно до она што се оригиналите, но бар освен моментите/ сеќавањата во мојата глава ги имам и нив како меморија/ спомен дека ги видов делата на овој голем автор. ..е не се многу де! :)






you can find English version|HERE|

Позитивно се изненадив кога видов дека после првата промоцијата на збирката активистичка поезија ART ATTACK!!! во Загреб и Сплит организаторите не застануваат туку продолжуваат со нејзиното промовирање како и со организирање на други настани кои се поврзани со првичната мисија на организаторите.

Како што пишував овде претходно, за време на првата промоција на која за жал не отидов имаше неколку други пропратни активности. .. улична изложба на фотографии, проекции на документарни филмови, концерти ..настани кои беа поврзани со овогодинешнава тема "Улица".

Овие неколку настани меѓусебно поврзани, за Vedran Senjanović биле инспирација за снимање на неговата идеја за документарен филм: "Festival aktivističke poezije-Art Attack". Денес неговиот филм заедно со филмот "razorubičenje" на Igor Zelić ќе бидат проектирани во гратската библиотека Умаг, Загреб како и презентацијата на изданието на ART ATTACK! од оваа година.

Kратко видео кое за прв пат го гледав синоќа исто со инсерти од оние неколку дена кога беше за прв пат промовирана оваа антологија.

Art Attack 2010 from Boris Kundid on Vimeo.

Ова се случи пред неколку дена, нa 28 мај. Промоција на збирката поезија и кратки раскази од млади автори од државите на бивша Југославија, "Рукописи"33.
Минатата година за прв пат бев застапен во оваа збирка и бев на промоцијата во Панчево, Србија. Оваа година кога ја добив поканата за отворениот конкурс само селектирав и испратив.
Бев пријатно изненаден и сум им многу благодарен на селекторите што мојата поезија избраа да биде застапена повторно.
Инаку оваа збирка се издава од 1976 година, а од 1989 година ги отвара вратите за сите автори од тогашна Југославија, денешна EX [нон егзисте па]

Од околу 120 автори кои учествувале на конкурсот, 39 се застапени во збирката.
По редослед од која држава најмногу испратиле свои дела се Србија, Хрватска, Босна и Херцеговина, Македонија, Словенија и Црна Гора.
Јасмина Руневска и Иван Шопов се другите двајца автори кои се дел од Рукописи, а се од Македонија.

Освен промоцијата на збирката, како дел од овој event организиран од Младинскиот Дом во Панчево е дневната работилница меѓу авторите, на која учествуваат и познати автори од регионот.
Уредници на збиркава се Јасмина Топич и Ана Ристович, дизајн на корицата Јасмина Топич, илустрациите и рецензијата се на Чарна Попович, подготовката за печатење на Јасна Миличев. Организатор на "Рукописи" е Данка Стојков.

"Рукописи" е една од ретките збирки кои се издаваат секоја година, а е место каде можат да се сретнат повеќе млади автори од неколку држави.

~ повеќе за "Рукописи" 33
Izašli novi ''Rukopisi 33'' ~ književnost.org [informativni portal za književnost]
Novi, Rukopisi 33 ~ SEE Cult [portal za kulturu jugoistočne evrope]

Поетесата Маја Кларич од Хрватска ме покани да учествувам на конкурсот кој оваа година по втор пат го организира наречен ART ATTACK!
Идејата на оваа публикација е да ја поддржи активистичката поезија, силната поезија, поезијата која носи порака. Ангажираноста на поетите во денешно време е важен фактор во помрднување на работите кон подобро, ART ATTACK! оваа година ја избра "Улица"(та), односно бездомништвото како тема за нивниот конкурс.
Од авторите беше побарано да ја истражат и обработат темата на креативен начин, како и да ја претстават реалната слика за општествата во кои живееме и со своите размислувања и предлози да понудат конкретни решенија за одредени проблеми.

ART ATTACK! има интернационален карактер, отворен е за сите млади автори до 30 години. Оваа година во стихозбирката се застапени 15 автори:

- Ampatzdis, Georgios (Greece) – Burnt Words

- Barać, Kristina (Croatia) – Zašto?

- Blagojević, Berislav (Bosnia and Herzegovina) – Sirotani

- Gogov, Mitko (Macedonia) – Old Clothes Container

- Gregur, Marko (Croatia) – Sezona rekorda

- Iacomi, Tiberiu (Romania) – No Complaint Tomorrow

- Jaadan, Nouzad (Syria) – The Homeless Dreams

- Mandanici, Sabrina (Germany) – Poems

- Marenić, Josipa (Croatia) – Mnogo

- Pasquini, Matteo (Italy) – What? (Disorientation)

- Radočaj, Daniel (Croatia) – U parku

- Ribeiro, Jaime (South Africa) – Solidarity

- Serquina, Oscar T. Jr. (Philippines) – Street Violence

- Stojić, Stanko (Croatia) – Vama

- Šimrak, Slađana (Serbia) – Lekcija de facto

Промоцијата на збирката е само столб на целосната програма која ја подготвуваат од ART ATTACK! Фестивалот кој го организираат оваа година ќе трае од 02-06 Јуни, а програмата е составена од неколку промоции на збирката, изложба на фотографи, проекции на документарни филмови, концертна програма, неколку workshop-ови и street photography performance. Планирано е програмата да се реализира во Загреб и Сплит.

II. Фестивал на активистичка поезија
Загреб / Сплит, 2. – 6. Јуни 2010.

програма

Среда, 2. јуни 2010. - Загреб

19:00 book shop Богдан Огризович
- Отварање на фестивалот
- промоција на зборникот и на наградените дела
- гостување на поетите:
Kristina Barać, Marko Gregur, Josipa Marenić, Daniel Radočaj, Stanko Stojić (Hrvatska), Mitko Gogov (Makedonija)[no:(], Nouzad J'adan (Sirija), Sabrina Mandanici (Germany), Slađana Šimrak (Serbia), Matteo Pasquini (Italy)
- Претставување на проектот „Poetry Against Discrimination“, Luke Dale-Harris (културен центар Tuzrakter, Hungary)
- отварање на изложба на фотографии
- музичка програма: Joan and the Miners


Четврток, 3. јуни 2010. - Загреб

16:00 POGON, Загребски центар за независна култура и млади
- creative art workshoop - Mитко Гогов (Maкедонијa) [it was planned, but..]

20:00 POGON, Загребски центар за независна култура и млади
- филмска програма
Nepovratno (17', r. Igor Bezinović, RESTART, Zagreb)
Na rubu (90', r. Tomislav Žaja, во соработка со VCZ, Zagreb)


Петок, 4. јуни 2010. – Загреб

11:00 POGON, Загребски центар за независна култура и млади
- работилница “The Importance of Art for Peace in the Globalization Era”,
Iheanacho George (Indonezija)



Сабота, 5. јуни 2010. - SPLIT

Mармонтова улицa
- ''жива изложба'', Art Attack на улиците на сплит
наградените автори ќе стојат на најраздвижените улици во градот држејќи во раце по една од фотографиите кои пристигнаа на конкурсот и ќе пробат да ги поттикнат на размислување и реакција луѓето кои во тој момент ќе се најдат таму.


Недела, 6. јуни 2010. – Сплит

17:00 – 19:00 плоштад Перистил
- промоција на зборникот со наградените дела
- гостување на поетите:
Marko Gregur, Josipa Marenić, Daniel Radočaj, Stanko Stojić (Croatia), Mitko Gogov (Makedonija)[no], Nouzad J'adan (Sirija), Sabrina Mandanici (Germany), Slađana Šimrak (Srbija), Matteo Pasquini (Italy)
- глумците читаат поети
- штанд со Улични светилки, поетски разгледници и инфо материјали


19:30 кино клуб Сплит,
- филмска програма
Nepovratno (17', r. Igor Bezinović, RESTART, Zagreb)
Nemati a biti (r. Bruno Pavić, MOST, Split)



неколку текстови кои се објавија за овој настан во изминатиов период..

[пред затварањето на конкурсот]
ART ATTACK! - napadaju sudionici sa svih strana svijeta! - novi-tjednik.hr
Natječaj Festival aktivističke poezije Art Attack! - e-novine
2. festival aktivističke poezije: natječaj za prijavu radova na temu Ulica - kulturpunkt.hr
Opjevaj ulicu aktivistički - H-ALTER

[по прогласувањето на застапените автори]
Pjesnički apel ili književnost i aktivizam - kulturpunkt.hr

facebook group & facebook event

Слободен софтвер Македонија организираат предавање на тема „Copyright vs Community in the age of computer networks” на кое главен гостин/ предавач ќе биде Richard Matthew Stallman основач на слободниот софтвер GNU. Предавањето ќе биде на 3-ти јуни 2010 во 18:00 часот во салата “Милениум 2″ во хотелот “ХолидејИн”. Доволно е да знаете англиски, влезот е слободен.

За него претходно знаев дека постои како RMS, вештачка интелегенција [професија & хоби]..,хакер! Првото македонско четиво за него го прочитав пред неколку дена кај gemidjy - guadalquivirization. Од таму би издвоил:

Големината на трите иницијали на Richard Matthew Stallman – RMS, е нешто што би требало да влезе во образовните процеси во секое општество. Неговата идеја подоцна како и секоја друга идеја почна метастазично да се шири до секој млад програмер, до оние кои во тие моменти се осетија засенети зад идеите за затворање на софтверот и претворање на секоја линија код во бизнис идеја и концепт кој на сопственикот би му носел само пари. Во годините кои следеа му се придружија многумина кои ја увиделе важноста на идејата која RMS ја шири, воспоставување на здрав систем за крајни корисници, програмери, па дури до бизнис модел базиран на слободен софтвер дефиниран со четирите слободи,

1. слобода за користење,
2. слобода за проучување и модификација на изворниот код,
3. слобода за редистрибуирање на копии (кои и понатаму ќе останат слободен софтвер) и
4. слобода за дистрибуирање на модификуваните верзии на софтверот.
   

Денеска имаме милиони проекти кои се слободен софтвер, а меѓу нив најпознат е оперативниот систем кој подоцна дојде со спојување на идејата на RMS (GNU) и идејата за пишување на кернел – Линус Торвалдс (Linux) – оперативниот систем GNU/Linux.

Од Слободен софтвер Македонија како и IT.com.mk додаваат:

Пред налетот на се поригорозниот режим на авторски права, кој почнал да ја нагризува заедницата на програмери на која тој и припаѓал, го формулира концептот на Copyleft (игра на зборови – Copyright свртен наопаку).
Принципот на Copyleft е кодифициран во GNU општата јавна лиценца (GNU GPL), која иако се базира на законот за авторски права, целосно ги отфрла неговите рестриктивни мерки. GNU GPL Ви гарантира дека еден софтвер е слободен за било какво користење, слободен да го проучувате и менувате според Вашите потреби, слободен за споделување со Вашите пријатели/соседи и слободен да дистрибуирате променети верзии. Овој концепт брзо го прифаќа широка заедница на луѓе која му се приклучува во проектот GNU чија цел е потполно слободен оперативен систем.
Принципот на Copyleft, своевиден hack на системот за авторски права, се смета за најголемо достигнување на Сталман, поголемо од сите негови програмерски успеси. Денес тој принцип се повеќе се употребува и надвор од програмерските кругови за музички, филмски, пишани и други креативни дела.

Како инфо за предавањето на тема "Copyright vs. Community" на event-от на facebook слободен софтвер напишале:

Авторските права се зачнати во ерата на печатарската машина, и биле дизајнирани да одговараат на системот на централизирано копирање наметнато од самата технологија на печатење. Но режимот на авторски права воопшто не одговара со компјутерските мрежи, и само драконски казни можат да го спроведат.

Глобалните корпорации кои профитираат од авторските права лобираат за драконски казни, и за зголемување на нивната моќ и потиснување на јавниот пристап до технологијата. Но ако сериозно сакаме да ја почитуваме единствената легитимна цел на авторските права, а тоа е да се промовира напредокот, тогаш за доброто на јавноста мораме да направиме промени во спротивната насока.

Во македонската Википедија за RMS е напишано:
Ричард Метју RMS (роден на 16 март, 1953 година), познат и по својата кратеница “RMS”, е основач на движењето за слободен софтвер, ГНУ (GNU) проектот и Фондацијата за слободен софтвер. RMS е познат програмер и “хакер” и меѓу неговите најважни заслуги се вбројуваат GNU Emacs, GNU C Compiler и GNU Debugger. Тој е автор на ГНУ Општа Јавна Лиценца (GNU General Public License – позната под кратеница GNU GPL или GNU) која е најчесто употребувана лиценца за слободен Софтвер. RMS се смета за еден од оснивателите на концептот на копилефт (copyleft).

Штета што не сум во Македонија да одам да го слушам предавањето, се надевам тие што имаат можност ќе одат. Кога би средиле работа .. streaming, twitter (сигурно) и сл. од организаторите би бил најзадоволен. Мераци е со кафе предавање да гледаш/ слушаш од дома.