.
Вака Aсоцијацијата Атопос ја дава информацијата за event-от кој ќе го реализира од 17-26 Април во градот Анкона.

Слободен превод на информацијата од англиски:

“Тие доаѓаат од Албанија, БиХ, Македонија, Романија и Србија. Пет гости уметници за Balkans in Ankon, NEWBALKANIK (нов Балкански) хепенинг на ‘atopia’ – да се биде странец меѓу странци. Во периодот 17-26 Април Анкона, регионот Marche и Италија ќе осознаат дека Балканските земји се блиску до нив дури поблиско и од Рим! Blerta Kambo, Drazen Grujic, Mитко Гогов, Laurentiu Stoica и Milica Milosevic, сите под 29 години ќе бидат гости на асоцијацијата Атопос која во овој проект соработува со: Галерија 400mq, Арт институтот Mannucci, Секторот за култура на општина Анкона, театар Un ponte tra Culture и дизајн центарот Poliarte. Отварањето на групната изложба на 5те уметници ќе го одбележи почетокот на една креативната недела во која ќе се стремиме да дадеме нова идеја за Балканот, за проблемите при патувањето дури и меѓу соседите. Идејата на оваа изложба е да покаже како темата ‘странски’ влијае на локалната заедница и на артистите. Уметниците гости од Балканот ќе го анимираат населението со перформанси, семинари и workshop-ови со цел да го покажат креативното лице на интеграцијата. Акцентирано ќе биде прашањето:

• Што е Атопос?

Таен урбан блиц што се шири полека кон центарот на градот...

На 18 Април ќе се случи вмрежување преку читање на модерна Балканска литература на оригиналните јазици на уметниците (crossreading). Секој од уметниците заедно со публиката ќе прочитаат делови од литературата од своите култури и ќе им помогнат на локалните италјани да слушнат како звучат овие јазици. Уметност во напуштени или секојдневни локации, фотографии и репортажи од неверојатни странци кои направиле нашите градови да изгледаат по космополитски, works in progress, видеа и online документација која ќе ја презентира основната задача на Атопос: The home were we are guest! "

Постерот за настанот изработен од Luca b Forlani беше пропратен со оваа информација. Ваква и слични на неа деновиве ќе бидат раширени низ весниците и интернет страниците за уметност низ Балканот и Италија.

Во програмата учеството го потврдувам со проекцијата на документаренит филм 2be1 like Sun снимен за време на реализацијата на проект за инеграција на Турски и Ромски деца, на кој работев со Младинскиот центар “AиР” заедно со тројца Американски студенти. На снимањето, монтажата и едитирањето на видео материјалите соработував со неколку луѓе.
Филмот беше дел од Балканскиот Младински Фестивал (BYF) во Бугарија и таму доби оригинален soundtrack компониран и отсвиран од десетина музичари од Балканот и Европа меѓу кои членово на бендовите Gabana (Bug), Drugo Rodjenje (Ser), Asylum Bedlam (Cro), Каrandila Junior (Bug), drummer од Норвешка како и неколку музичари од Културно Уметничкиот Ансамбл Велика Плана, Србија.

Заедно со филмот ќе биде повторен перфомансот кој тогаш го работев со децата, овој пат во перформансот ќе имаат можност да учествуваат младите од Анкона. За време на перформансот ќе бидат создадени 10 платна кои после тоа ќе бидат изложени и ќе ја претстават моменталната мешавина на нивните чувства. Преку симулација на сонце, учесниците ќе можат да создадат зраци кои дополнително ја засилуваат неговата светлина.
Овие две активности – проекцијата и перформансот ќе бидат истовремено снимени и додадени на филмот, со цел филмот да добие едно нова димензија во која Сонцето е метафора за позитивно разбирање на разликите.

2be1 like Sun на Галеријата го претставив како:

(2be1 like Sun)… is a project that is still growing. It start with idea for little creative workshop in Strumica, in which young Roma and Turkish kids and youngsters can express their art talents. Then it continues with putting IN the program more activities. On the end of to do list for this projects was documenting all the moments during the event. The concept is all to be ONE with the Sun in the moment when they enter in the Sun and start giving part of their creative warm energy. It’s interactive performance including photography, paintings from the youngsters who want to participate, games, simulation of the Sun etc. The movie was part of BYF (Balkan Youth Festival, Bulgaria) and there he gets his original soundtrack recorded/played by young musicians from all over Europe. The idea of this multimedia performance is new stuff to be putted in the movie every time when the Sun is open for new presentation.

Hope this Sun will shine in Ancona and makes Us feel ONE like Sun!

информации за галеријата може да најдете на Gallery Quattrocento Metriquadri, како и инфо за настанот на блоговите 1, 2, 3 и 4 на организаторот Fran Atopos Conte.
Досега излегоа неколку информации за настанот на неколку интернет страници за култура и уметност. повеќето (сите) се неразбирливи за мене поради моето (не)познавање на Италјанскиот јазик.. IL CASSETTO, UnDo.Net, exibart.com, celeste.network, CoHabitat, Yeah!TheArtFactory итн.

.
Видов информација на интерет за новиот музеј кој ќе се отвара наскоро во градот во кој живеам. Станува збор за Музејот за Модерна и Современа Уметност Помпиду.

Информацијата оди вака:

“Центарот „Помпиду“ во францускиот град Мец, настанат според замислата на јапонскиот архитект Шигеру Бан во соработка со парижанецот Жан де Гастине, е хексагонална градба, која се простира на површина од 10.660 квадратни метри

Над неа се надвиснува брановидна покривна структура, чија кула е висока дури 77 метри. На 5.000 квадратни метри ќе се простираат изложбените простори, распоредени во галерии, тераси и парк.

Како и во оној парискиот, во центарот „Помпиду“ во Мец акцент ќе биде ставен на претставувањето на современите уметници на 20 и 21 век, а проектот е поведен за децентрализација на оваа уметничка институција.

Свеченото отворање е најавено за 1 мај, а првата изложба, според многумина, еден од најубавите музеи на светот, ќе биде посветена на ремек-делата на уметници од минатиот век.”

Нова Македонија


Во наредниов период еден од проектите на кои ќе работам, а се однесува на полето култура и уметност е во просториите на овој музеј. Среќен сум што ќе бидам дел од проект кој ќе се случува и ќе биде презентиран токму во овој познат Музеј.
За него во последно време премногу се зборува. Најмногу затоа што отварањето на овој Музеј доцни едно три години затоа што комбинирањето на повеќето видови стакло, плексиглас, дрво и други материјали одзело повеќе време одошто им било планирано на проектните изведувачи.. Но, секако тоа е дел и од маркетиншкиот трик на Музејот со кој во текот на изминативе години, уште неотворен овој Музеј стигна на нивото на неговиот претходник, истоимениот во Париз. За оној во Париз се смета дека е најпосетуваниот Музеј за современа и концептуална уметност во светот или Европа, а овој одгранок само ја надополнува славата на Паришкиот. Градот Мец очекува разбранување во полето на туризмот со отварањето на овој значаен за Франција објект. Се очекуваат многу туристи од блиските држави како Германија, Швајцариjа, Белгија и Луксембург.

Како дел од овој музеј се спомнуваат неколку прекрасни, огромни, осветлени, со високи тавани галериски простории, простории за времени инсталации, изложби и перфоманси, неколку кафе барови, книжари и простории за одржување на најразлични презентации, саеми и работилници од областа на уметноста. Трајни постановки од едни од најпознатите иноватори во современата уметност за кои ќе зборувам и јас после отварањето. Оригиналноста на овој објект е препознатлива како од надвор по својот уникатен изглед и покрив, така и внатре во прецизната структурираност на просториите и нивната намена. Како простор за релаксирање имаат вградено две градини и тераса.



...повеќе инфо за овој сеуште неотворен Музеј можете да најдете овде, или пак нешто повеќе за архитектите Shigeru Ban од Jапонија и Jean de Gastines од Франција. Доколку сакате можете да ги следите и на twitter.

"Повеќе од супстанца, пластиката е самата идеја на нејзината бескрајна трансформација."
Р. Барт.

Како да се комбинираат практичност, естетика, рециклирање и оригиналност?


Val de Saâne е мало мирно гратче во близина на Le Havre, Франција. Како дел од младинската размена на тема “It’s good to be eco citizen” организирана од младинската организација It’s good to be Together, подгранок на асоцијацијата за млади – Together, посетивме школа за современа уметност, во која преку неформален начин младите можат да се вклучат во работилници од типот Plastic art или изработка на дела од пластика или други рециклирани материјали.

Младите овде имаат за цел да конструираат/ дизајнираат објекти со комбинирање на елементи од Африканската уметност со новите форми и правци на современата уметност. Пластика, скршени садови, делови од стари автомобили, парчиња секакви видови на хартија и картон, остатоци од ѓубрето на плажата, стари партали, часовници се само дел од материјалите кои тие ги користат за изработка на нивните дела. Сите овие материјали се вредни во очите на креативните луѓе, генијот на рециклирање ги зачувува сокршените и уништени форми и од нив прави нови, со ново достоинство.



Група на мотивирани млади дизајнира реални објекти со кои го одзема вниманието на другите и ги тера да размислуваат. Општо земено, идеја, скица, белешка, желба изразена преку друг начин е мотивот преку кој тие доаѓаат до нивниот избор и форма. На овој начин младите се инспирирани да поправаат, сечат, спојуваат и комбинираат пластични шишиња, туби, буриња и сл. да ги надградуваат формите и да им даваат својство на предмети за секојдневна употреба.

Основачот на ова школо се обидува да ја имплементира дефиницијата за “arte povera”, уметничко движење во кое се создава “сиромашна уметност” во однос на материјалите кои се користат при создавањето. Креации/ дела кои се рециклирани и на пола готови, движење започнато од Marcel Duchamp.
Со мобилност, пренасочување на употребата на елементите, поправка и редизајн дизајнерите од ова движење размислуваат како во ерата на конзумеризам да се создаде помалку отпад.

Преку овој креативен процес на создавање на пластична vs. рециклирана уметност, на младите им се дава можност од апстратното да се создаде фигуративна форма. Да се подобри sense-от на младите со помош на комбинација на сите овие техники базирани на рециклирање, како и нивниот однос кон африканската уметност, уметноста на значајни уметниви како Пикасо и Миро. Со оваа школа всушност на младите им е дадена можноста да бидат дел од реалниот процес на создавање на современи уметнички дела.



Оваа школа наречена Espace Socioculturel Michel Benet досега има направено многу изложби и работилници. Во моментов во тек се работилниците за изработка на џембиња, диџиридуа, балафони, ...како и работилниците за изработка на пластички играчки за помладите, каде се изработуваат различни пиштоли, пушки, оклопници, шлемови, мечови кои потсетуваат на оние од научно фантастичните анимирани филмови, игри и филмови.
Редовно со изработените предмети/ дела се организираат изложби и презентации кои најчесто имаат хуманитарен карактер и сретствата се наменети за донација на хуманитарни здруженија, асоцијации и организации.

Инфо:
Espace Socioculturel Michel Benet
Place Daniel Boucour

Blog: http://jeunes2vds.skyrock.com
Mail: espace.vds@wanadoo.fr

.
Знам дека помина некое време од официјалниот ден кога сите штедат електрична енергија и други ресурси, неколку секунди, минути или часови, или само спомнуваат дека некаде во светот сега се исклучени светлата во чест на овој event
За мене овој настан - #earthhour е важен затоа што мене лично ми помогна да станам свесен за некои клучни глобални проблеми со кои се соочува нашата земја..mother Earth (Gaia).

Кај мене беше респектиран целиот ден (27 Март) уште од сабајлето решив да не се занимавам со работи кои трошат енергија..дури и кога си ги миев забите ја затворив чешмата или славината (тоа е голем успех). Излегов на прошетка со цел да не слушам музика и речиси целиот ден го поминав надвор, со што дејствително не сум потрошил ништо (лично).
Компјутерот покасно го користев само додека имаше батерија, без музика, без премногу отворени програми, а за дополнителна светлина решив да искористам една свеќа која некои две години ја носев со мене во ранец.

И, ова не го пишувам затоа што го правев само еден ден, демек yes и јас бев дел од оваа глобална иницијатива на сВесните, се трудам да не заборавам на важните референци за штедење и штитење на планетата секојдевно.
Тек прва ќе посветуваме повеќе внимание на детаљите кои сме ги пропуштиле во текот на овие векови од "прогресот" на човечкиот ум. Убаво е да се живее во капитализам со индустриски објекти all over и со луѓе програмирани да го притиснат секое утро зеленото копче за оџакот кој носи пари за семејството, убаво е да се има светло кое е секогаш подготвено да правиш маратон во сопствената куќа, трчајќи од соба во соба без да застануваш на checking (вклучи-исклучи), ма може и адаптерот постојаното да ти стои во струја и кога не полниш ништо, телевизорот нека ти шушти ноќе додека спиеш, не ја заборавај и ноќната ламба која те чува од демоните кои ноќе доаѓаат само во твојата соба, што е важно дали излегуваш од дома на еден час или неколку денови компјутерот ти е најдобар и може да работи без проблем цело време, ќе те чека така како што ќе го оставиш.

И така во недоглед уште стотина примери како не научило општеството во кое живееме, она прогресивното кое секој ден е се поразвиено (?!?).
[индивидуално]- убаво Ова општеството и сите тие update-и на умот, но нека овие благодети ги имаат и моите futuristic деца, внуци и паравнуци, мене не ми треба светлото во купатилото кога не сум таму, да комјутерот е добар и работи неколку дена без да го исклучам (проверено) - но нема потреба, charger-от нема да ми стои во струја постојано, истиот момент со светнатото/изгаснатото светло важи и за мојата кујна, работна соба, спална...а оџакот, ќе му дојде крајот ако некој не се сети дека премногу високо го изградил што и дува на месечината во фаца, па таа неможе на раат да дише.

Ми се допаѓа фактот дека оваа глобална иницијатива за подигање на свеста секоја година е се помасовна, и полека полека гиганти од светската индустрија се вклучуваат. Сеуште event-от не е познат како Madonna, но ќе и помине рокот нејзе наскоро, нови ветрови доаѓаат. Свеста притиска кога сме сами и кога немаме струја да слушаме .. Madonna. Голема поддршка за сите држави и градови кои ја поддржаа оваа иницијатива, посебно оние поголемите и поразвиените како Германија, Франција, Холандија, Белгија, Шпанија, Швајцарија и .. Македонија?!? (да, секако!-ај следната година, некој од гарнитурите требало да пишува домашно, па немало како да го направат тоа).
Да, тука беа и немаа домашно, Гватемала, Египет, Катманду, Непал, Јапан..ситно навистина! Повеќе од 4000 градови, гратчиња и општини го исклучија своето светло на територија од околу 125 држави.

Дали ти го поддржа ова?
Ме читаш сеуште?
Ти се промени нешто во мозочната система?

(простено ти е и од мене и од Бога, чедо:P) следната година поорганизирано!

Дај таму некоја лична иницијатива, направи комбинација, твојата, на комшијата па и на сите куќи од маало, нека слушне твојот град-село, да не биде после дај ми комши една кофа струја, мојата отиде, а во маркетот ќе донесат у понеделник.

final report:
имаме проблемчиња, не големи ама онака се врти муабет за недостаток од вода (да, да, на толку океани), здрава храна, дождЧе, топло-ладно по три пати на ден и така натаму. А се' е сведено на лично учество и поддршка и примена на методите за превенција (каква таква, подобра од никаква)

Доколку го поминавте првиот чекор на трачaрско информирање, следниот чекор за Вас е посета на главниот веб пејџ на Earth Hour, hash tag-от на twitter #earthhour, официјалниот блог, и ако сте сеуште заинтересирани, некаде потаму ќе најдете и троа сликички и видеа :))
Ако сте на twitter можете да ги следите нивните активности во текот на целата година - @earthhour

Ова е официјалното видео за оваа година

.
Мода. Не мислам многу за неа, ниту пак сум се трудел да ги следам сите најнови сезони. Не сум зависен од fashion TV, но гледам. Секоја сезона ја гледам на почеток, ги гледам новите дизајнери..стиловите кои ги креираат. Дали се нешто ново, или нешто веќе видено, но минимално модифицирано.
Пост за мода. Не верував дека некогаш ќе пишувам таков пост, затоа што лично мојот стил/имиџ (што и да е) на облекување е уникатен. Имам многу малку гардероба која носи етикета на некој посебен дизајнер, посебно не од оние кои се форсираат на македонската "буржоаска" сцена. Ме привлекуваат различни комбинации на бои, материјали, додатоци..органски, експериментални, рачно направени, работи кроени кај локалниот шнајдер.

Доста е ова како вовед. Можам и целиот пост да го пишувам како вовед, но ова го пишувам за да оддадам минимална чест на некој кој ми го одземал погледот, кој телепатски ме носел на телевизиски канал за да ја погледнам неговата најнова колекција, а ете денес направил нешто со кое ОФИЦИЈАЛНО влегува во историјата на модата како победник. И да не пишувам многу, и да преведувам работи кои се ударни на google во моментот само ќе напишам дека еден од хероите во визијата за тоа како ја гледам јас модната индустрија скинал душа.
Lee aka. Alexander McQueen денес се самоубил. Го пронашле во неговиот стан и полицијата не се сомнева во ништо дека станува збор за самоубиство.
Дечкото уште после завршувањето на курсот во едно од најдобрите школи за уметност и дизајн се лансира во модната индустрија. Има работено за модни ѕверки како Givenchy и Gucci, и се има здобиено со титула од самата кралица Елизабета.

Она што мене ми остави впечаток во неговата работа се неговите ревии преку кои и дознав за неговите креации. За разлика од другите ревии, неговите секогаш почнуваа театрално (сакам театар), со одлично светло, мистично Секогаш. Правеше одличен склоп на технологиите..идеална музика, модерна сценографија, комплетна композиција до детаљи како кое столче каде треба да стои.



Неговите креации - некогаш футуристички, некогаш шумски. Некогаш во комбинација со шминката на моделите мрачни, готски. Имаше и такви ревии во кои имаше прекрасна игра на боите, натурални, флоралните апликации како по магичен ритуал предадени во негова употреба. Како пеперутките да си ги имаат соблечено своите алишта и ги имаат дадено на неговите модели. Ексцентричен, психоделичен, екстремен мастер во интеграцијата на технологијата во модата, екстравагантен, авангарден и што ли уште не.
Не се разбирам во мода но ова за мене беше МОДА. Alexander McQueen беше ветрот на новите стилови, секогаш полн со креативна енергија и со визија за наредниот период различна и најоригинална од сите негови колеги.

Навидум скромен дечко, едноставен во своите колекции успеа да направи промена во начинот и пристапот на сфаќањето на модните писти и на самите тие колекции кои два пати годишно го растеретуваат џебот на џетсетерите.

Иако големите верници велат дека оние кои се самоубиваат тешко поминуваат на оној свет, од мене нека му е лесна земјата..верувам дека имал причина за тоа.

.
Го чувам насловот на овој пост во draft од 21.01.10 и помислив дека е крајно време да се ставам inside my account и да навезам една не толку добра везилка како везилката за која ќе пишувам.

Станува збор за дебитантската книга која пред извесно време доживеа промоција "Географија на маленкоста" од Ацо Гогов. Беше една вообичаена промоција како и стотината други на кои сум присуствувал или сум бил активно вклучен, на оваа како интерпретатор ( и не така добар ) како што очекував...најпрво почнав да читам на исклучен микрофон, кое беше доволно да тремата и адреаналинот ме пукнат во глава. Но, за тоа овде нема да пишувам..овде ќе напишам само една благодарност за почеток до Ацо Гогов (авторот) што ме покани да бидам дел од неговата промоција, пофалби до промотерите Жарко Кујунџиски и Трајче Бјадов, гитаристот кој едно писание од авторот претвори во прекрасна акустична верзија Горан Гогов...до публиката која дојде во солиден број, техниката, столчињата, прозорците, неискористениот клавир...

Вака, промоцијата се одржа во малата сала на Центарот за Култура во Струмица во средината на месец Јануари, во нормален термин како и сите вообичаени културни настани кои се одржуваат во нашиот град. Во книгата се искуцани за навек 40 (четириесет) кратки раскази поделени во 4 (четири) циклуса: Пред-слово, Слова, Пред слика и Слики.
Географија на маленкоста е издание на издавачката куќа Антолог и е дел од едицијата Дамар како книга реден број 5. Застапените рецензии за расказите на Ацо Гогов во книгата се на Јасна Котеска и Никола Маџиров, додека како рецензент и промотер на самата промоција со свој осврт беше Трајче Бјадов.

Во продолжение на овој пост ќе ставам делови од трите рецензии, не знам дали ќе бидат меѓусебно поврзани, но ова ќе бидат извадоци од нивните рецензии кои ќе се надополнуваат на моето читање на книгата. Никола Маџиров својата рецензија ја има претопено во кратки делови кои наликуваат на формата во која се изразува и самиот автор, додека Котеска концизно небаре во еден здив (каква е и самата книга за читање) одржува говор со кој ги повлекува конците од сите краеви до кои стигнал Гогов со своите зборови. За рецензијата на Бјадов не знам што да кажам ;) мене ми беше интересно додека ја слушав неговата споредба на Ацо со сите тие имиња на големци, доаени во македонската и светската литература, чунки јас лично исто стискам палци за Ацо Гогов биде запишан на таа листа.

Никола Маџиров
Разговор со пред-зборовите и зборовите
* * *
Повлекувањето линија врз белата хартија е првичното испишување на хоризонтот кој го дели зборот од затишјето, а знакот од заборавот. „Треба да се откопаат и зборовите!“, вели Ацо Гогов за археолошкиот локалитет од кој се откопуваат прстени, бакарни парички, парчиња од вази, шарени мозаици со коцкасти каменчиња... Потем ќе треба да се изгради музеј на изговореното, а никогаш запишаното.

Разговор со пред-сликите и сликите
* * *
„Приказната ја врамив во сопствениот собен прозорец. И ги спуштив ролетните.“ Така завршуваат приказните – без слика, светлина, без зборови што ќе се измолкнат низ дупчињата на ролетните. Секое слово е слика, а секоја слика е рамка за сеќавање.
Разговор со географијата на маленкоста
* * *
...„Буквите на денот се пред мене, трајни и непроменливи.“ Се менува само тој што запишува. И оној што чита. Ти, читателу, кој го претвораш молкот од оваа скапоцена книга во прва мисла.

Јасна Котеска
... Лесно е да се пишува во скрибомански напади, со многу реторика и украси, тешко е да се биде кондензиран, одмерен а бестрашен; а, некои од овие куси парчиња на Гогов, се ретки примери во македонската проза како да се изведе тој тежок а величенствен зафат. ...Гогов има великодушност на голем мајстор кој дозволува да изостанат ситните сврзници, затоа што големата проза се препознава точно во таа бестрашност кога знаеш дека не мора да ги отсвириш сите периоди од некоја мелодија за таа да биде разбрана.
Трајче Бјадов
...самиот наслов сугерира неколку прашања од типот: „кој сум јас?“, „кој е мојот простор?“, „како да го опишам и запишам?“, и што е уште поважно „како да го именувам?“. ....Гогов во својата книга кратки прози не вели дека го знае одговорот од спомнатите прашања, ниту пак стапува во некаков директен дијалог со наведената книга, но сите слова и слики во неговиот земјопис на маленкоста, се еден од можните одговори на прашањата: „А што беше пред зборот?“, односно, „Од што е составен зборот?“, конечно: „Што го предизвика зборот да се појави?“. Оваа книжевна објава е секако еден рид во тој згрчен простор, и поттик за едно творечко ослободување на Ацо Гогов, од кого во иднина очекуваме уште комуникација како читатели.
(рецензијата на Трајче Бјадов во целост може да ја прочитате на блогот на Презвитер Козма)

Сите испреплетени можни одговори на прашањата на кои Ацо, Трајче, Јас, Ти и сите ние пробуваме потсвесно да најдеме одговори, се играта која ме наведе и мене лично да ги оставам сите овие исечоци од Реалноста, Времето и Просторот што мене ми се случиле во оваа моја соба, навидум далеку од Светот, а толку блиска до сите што сакаат да влезат во неа. Ако уште го читате ова ви благодарам, се поклонувам со раце во мирна медитациона положба и ви посакувам пократки, но Вистински одговори, зборовни..напишани или ненапишани сеедно.

За крај неколку кратки прозни записи од Географија на маленкоста на Ацо Гогов, можни мисловни патувања, игра, одговор на Вашите очи благо наклонети кон овој мој интимен осврт за постоењето на уште една нова книга на полицата која ја полнам, но многу поретко ја бришам.


ПРЕД-СЛОВО
* * *
Треба да се пополни белината, читателу. Онаа белина која во исто време е и празнина– празен лист хартија, правоаголник на фејсбук, училишна тетратка. Онаа белина која не е ништо друго туку анкетен лист во кој ги оставаме (а што друго можеме!?) сопствените податоци. Погледни само како говорот човечки, грозен и убав, возвишен и низок, оставил траги-зборови по таа бела празнина, по тоа снежно поле. Кажи: постојам!


СЛОВА
* * *
Здиву, здиву, кој може да те опее тебе целиот? Ти го облекуваш – вели една атхарва-веда – битието на човекот. Вдиши, издиши, повторно вдиши.... Ти си, тоа е јасно, самиот живот, но ти си и уште повеќе – самиот говор. Една воздушна река од длабочините на градите се качува угоре, во усната празнина, и во невидлива игра (заби-усни-јазик-непца) ги растркалува зборовите-мониста. Озвучен е животот. Молкот е забранет.


ПРЕД-СЛИКА
* * *
Еј, музо, Калиопо верна! Тешко е, знам, да се чујат сите молби што доаѓаат оздола, од нас смртните, расфрлани отпадоци по улиците на земјата Безименија. Го носиме, сестро, животот како стари и износени фармерки; ги прицврстуваме покривите на сопствените желби, го кастриме троскотот во дворовите, ја косиме тревата и ја уредуваме геометријата на нашите души. Прозборувај ни понекогаш, друшке, насликај ни ја сеприсутноста!


СЛИКИ
* * *
Нечие присуство виси во воздухот. Знаеш по накршениот таван, по виљушките кои ти паѓаат од рацете. Можно ли е тоа да е само есента која, штотуку пристигната, ја поттура тежината во просторот? Или се тоа заборавени предци кои, невидливи, сакаат да ја вкусат вечерата? Отвори ја вратата, пушти го внатре присуството кое ти виси на слепоочниците. Дури тогаш ќе можеш да го видиш таинството: црно или бело, надвор од зборовите!

...го заборавив, но не го испуштив :)
Ако ви се допаднаа овие четири записи, а сеуште ја немате книгата, продолжете со останатите кои беа објавени пред промоцијата во Дневник.

.
Ги пронајдов овие текстови заборавени на еден блог на старата македонска платформа и сакам најпрво за мене да ги имам кај мене во архива, нo исто така и да ги споделам со сите кои се заинтересирани за темава. Оваа тема во модерно време станува се поактуелна, дали поради тежината која самата по себе ја носи, филозофијата која ја истражува или поради тоа што луѓето се повеќе и повеќе бараат Вистински одговори на суптилни прашања поврзани со нашето ментално, физичко и духовно егзистирање не знам. За повеќето автори кои се спомнати овде имам слушнато од порано и дел од нивните авторски дела ги имам прочитано во оригинали ( на англиски), па си дадов за слобода преведените текстови во целост да ги префрлам овде. Ова се луѓе - научници кои даваат нов пристап кон разбирањето на умот, свесноста, егото и пристапот до нив. Уживав додека ги читав на македонски се надевам дека и Вас ќе ви се допадне ова видување на работите во Нас и околу Нас.

Психоделично искуство 1.0
За вистински психонаути (tnx2paneuritmia за текстот)

од книгата ~ The Psychedelic Experience ~
A manual based on the Tibetan Book of the Dead By Timothy Leary, Ph.D., Ralph Metzner, Ph.D., & Richard Alpert aka Ram Dass , Ph.D."

Авторите на книгата биле вклучени во проект кој опфаќал експериментирање со ЛСД и други психоделици при Харвард универзитетот во раните шеесетти години од минатиот век. Поради зголемениот публицитет на овој настан на национално ниво и се поголем број на студенти кои сакале да учествуваат, универзитетот го прекинал покровителството. Тројцата научници ја продолжиле својата работа на лична иницијатива.

Преку овој текст не се промовира религија или доктрина. Целата книга е еден огромен труд работен со години. Извадоците од неа се кратки и конзистентни, во делови што најмногу би предизвикале интерес, ја пренесуваат поентата, а се задржува целината. Во овој дел е опфатен воведот во овој експеримент, додека во наредните постови, инструкции за првиот дел од психоделичното искуство (првото бардо), опис и инструкции за вториот и третиот период (има многу интересни податоци коишто сигурно голем дел ќе ги препознаат во своите искуства).

Вовед

Психоделичното искуство е патување кон новите сфери на свеста. Целта и содржината на искуството се безгранични а неговите карактеристики се трансцендентирање на вербалните концепти, просторно-временските димензии, егото и идентитетот. Такви искуства на проширена свесност може да се случат на повеке начини како: sensory deprivation, вежбање јога, дисциплинирана медитација, религиозна екстаза или спонтано. Во поново време тие станаа достапни до секого преку внос на психоделична дрога како: LSD, псилоцибин(magic mushrooms), мескалин, DMT итн.

Секако, самата дрога не произведува трансцендентални искуства. Таа се однесува како хемиски клуч којшто го отвара умот, го ослободува нервниот систем од обичните(секојдневни) шаблони и структури. Природата на искуството зависи најмногу од: подготвеноста на индивидуата(структурата на личноста и неговото/нејзиното расположение во моментот), времето, атмосферата во просторијата, социјалните чувстава на еден кон друг (ако има повеќе луѓе),културните убедувања на тоа што е реално. Поради оваа причина се потребни "водичи" (книги со упатства). Нивна цел е да се овозможи личноста да ја разбере новата реалност на проширена свесност, да служи како мапа за внатрешните територии коишто модерната наука ги направила достапни. Различни истражувачи цртаат различни мапи (различни упатства). Тие се базираат на различни модели - научни, артистички, терапевтски. Тибетанскиот модел на којшто се базира ова упатство е дизајнирано да ја подучи личноста директно да ја контролира свесноста на тој начин што ќе достигне ниво на разбирање наречено: ослободување, илуминација или просветлување. Ако ова упатство се прочита неколку пати пред сесијата, и ако доверлива личност е присутна да го потсети психонаутот (remind and refresh the memory of the voyager) за време на искуството, свеста ќе биде ослободена од игрите коишто ја сочинуваат "личноста" и од позитивните/негативните халуцинации коишто често ги придружуваат состојбите на проширена свесност. Тибетанската книга на мртвите на домородниот јазик(тибетански) се нарекува "бардо тодол" што пак означува "Ослободување преку слушање на пост-смртната рамнина" (на анг. "Liberation by Hearing on the After-Death Plane"). Книгата нагласува повторно и повторно дека слободната свест треба да ги слуша и памти учењата за да биде ослободена. Тибетанската книга на мртвите ги опишува искуствата што би требало да се очекуваат во моментот на смртта, за време на средната фаза којашто трае 49 дена и за време на повторното раѓање во нова телесна рамка. Ова е само езотеричен концепт којшто тибетанските будисти го користат да ги покријат своите мистични учења. Јазикот и симболиката на ритуалите на смртта во бонизмот (традиционална предбудистичка религија) се интегрирале во будистичките концепти. Езотеричната поента, како што е интерпретирано во овој водич е дека се опишани смртта и повторното раѓање не во телесна смисла. Лама Говинда ова го потенцира јасно во неговиот вовед кога кажува: "Ова е книга за живеењето како и за умирањето". Поентата во книгата е скриена под многу нивоа на симболика. Не е наменета за широка употреба. Направена е да биде разбрана само за оние коишто се иницирани лично од гуру во будистичките мистични доктрини и во пре-смртно-смртно-препораѓачко искуство. Овие доктрини биле скриени и чувани многу векови поради страв од наивна или невнимателна примена којашто може да предизвика штета.

Преводот на ваков текст има два чекори: приказ на оригиналниот текст на англиски; и второ: практична интерпретација на текстот за негова употреба. При публикувањето на оваа практична интерпретација за употреба во психоделична сесија ние во некоја смисла ја нарушуваме традицијата на тајност и пркосиме на учењето на ламите.

Како и да е, овој чекор е оправдан во смисла што "водичот-упатството" нема да биде разбран/о од некој што немал искуство на експандирачка свесност и поради фактот што ламите во последно време го овозможуваат учењето на запад за пошироки маси. Следејки го тибетанскиот модел ние разликуваме три фази на психоделичното искуство. Првиот период (Chikhai Bardo) е оној на комплетна трансценденција-над зборовите, над време-просторот, над себе. Нема визии, без чувство за себе, без мисли. Постои само чиста свесност и екстатична слобода од целата инволвираност во играта (и биолошка). [Под "игри" се подразбираат секвенците на однесување одредени од улогите/идентитетите, правилата, ритуалите, стратегиите, вредностите, јазикот, карактеристични просторно-временски локации и карактеристични шеми на движење. Секое однесување коешто не ги содржи овие карактеристики е не-игра: ова опфаќа физиолошки рефлексии, спонтана игра и трансцендентална свесност.] Вториот период вклучува его, надворешна реалност (Chonyid Bardo) - со изразена чиста јасност или во форма на халуцинации (karmic apparitions). Последниот период (Sidpa Bardo) вклучува враќање во рутинираната игра-"реалноста" и егото. За повеќето луѓе втората етапа (естетска или халуцинирачка) трае најмногу. За инициран првиот стадиум на илуминација трае најмногу. За неподготвени, за луѓе цврсто врзани за "игрите" (the heavy game players), за тие што неспокојно се прилепуваат за егото и за тие што ја зимаат дрогата за друга цел борбата за враќање во реалноста почнува многу рано и трае до крајот на нивната сесија. Горниот концепт е статичен додека психоделичното искуство е флуидно и променливо(ever-changing). Обично свесноста на субјектот осцилира рапидно меѓу овие три состојби (од една во друга). Единствена цел на овој "водич" е да му овозможи на лицето да ја врати трансценденталноста на првото бардо а со тоа да ги избегне стапиците на халуцинирачката и его доминирачката игра.

Основни вистини и верувања. Мораш да бидеш спремен да ја прифатиш можноста дека постои безграничен опсег на свест за којшто немаме зборови; свесноста може да се прошири над границите на твоето его, над тебе, над твојот идентитет, над се што си научил, над твоите претстави за простор и време, над различностите што обично ги разделуваат луѓето меѓусебно и светот околу нив. Запомни дека низ човечката историја милиони го направиле ова патување. Неколку (коишто ги нарекуваме: мистици, светци или буди) го направиле ова искуство трајно и го комуницирале со луѓето што ги придружувале.Исто така мораш да запомниш дека искуството е безбедно (во најлош случај ќе останеш истиот како и пред да влезеш во искуството), и дека сите опасности од коишто си се плашел се непотребен продукт на твојот ум. Дали ќе искусиш рај или пекол запомни дека тоа е креација на умот. Избегнувај да се фаќаш/држиш за едното или да бегаш од другото. Избегнувај да ја прикачуваш его-играта на искуството.

Треба да ја зачуваш вербата и да веруваш во потенцијалот на твојот мозок и милијарди години стариот животен процес. Без егото неможе ништо лошо да му се случи на твојот мозок.

Сети се на пријателот или доверливата личност чие име ќе може да послужи како водич и заштита.

Верувај на својата божественост, верувај на твојот мозок, верувај на твоите пријатели.

Кога се сомневаш исклучи го умот, олабави се, (float downstream).

Откако ќе го прочита овој водич, подготвената личност треба да може уште на самиот почеток на искуството да влезе директно во состојба на екстаза надвор од играта и длабоко откровение. Но ако не си доволно подготвен или си вовлечен во игра(the game distraction around you) ќе сватиш дека паѓаш назад. Ако се случи тоа тогаш инструкциите треба да ти помогнат повторно да ја досегнеш и задржиш илуминацијата/ослободувањето. Ослободувањето во овој контекст нужно не имплицира на трајно ослободување или нирвана (особено во случај на просечна личност), но првенствено ослободување од животниот тек на егото, такашто се достигнува најголема можна свесност а следствено и среќно препораѓање. Додека за доста искусна и високо оспособена личност, истиот езотеричен процес на "трансфер" може да биде, во согласност со ламите, толку успешен што ќе оневозможи било каква пречка во течението на свеста (the flow of the stream of consciousness), од моментот на напуштање на егото до моментот на свесното преродување (после 8 часа). Судејки по преводот направен од Лама Kazi Dawa-Samdup на стара тибетанска списа што содржи практични упатства за не-его состојби, способноста да се задржи екстазата низ целото искуство ја имаат лица тренирани за ментална концентрација во толкав степен на префинетост што можат да ги контролираат сите ментални функции и да се заштитат од непотребни надворешни фактори коишто можат да им го свртат вниманието.

Психоделично искуство 1.1

Инструкции за време на психоделичната сесија

ПРВО БАРДО

* (name of voyager) Дојде време за достигнување на нови нивоа на реалност. Твоето его и игрите полека исчезнуваат. Ќе се соочиш лице во лице со Јасната Светлина. Ќе ја искусиш нејзината реалност. Во его-ослободената состојба, каде сите работи се како празнина и чисто небо, и голиот неизвалкан интелект како транспарентен вакуум; Во тој момент спознај се и остани во таа состојба.

* (name of voyager) Тоа што се вика его-смрт се доближува. Запомни: Ова е моментот на умирање и препораѓање. Искористи ја предноста на оваа привремена смрт да достигнеш перфектна состојба-просветлување.Концентрирај се на едноста на сите живи битија. Држи се до Јасната Светлина. Искористи ја да се стекнеш со разбирање и љубов.

* (name of voyager) Ако неможеш да го задржиш блаженството на илуминацијата и ако паѓаш назад во контакт со надворешниот свет, запомни: Халуцинациите коишто веројатно ти се случуваат, визиите и увидите, ќе те подучат многу за тебе и светот. Велот на рутинската перцепција на работите ќе биде тргнат од твоите очи. Сети се на едноста на сите живи битија. Сети се на блаженството на Јасната Светлина. Нека те води низ визиите на ова искуство. Нека те води низ новиот живот што треба да дојде. Ако се почувствуваш збунет сети се на твоите пријатели и моќта на личноста на којашто најмногу се восхитуваш.

* (name of voyager) Обиди се да го достигнеш и задржиш искуството на Јасна Светлина. Запомни: Светлината е животна енергија. Бескраен пламен на животот. Флуктуирачки метеж од бои може да ја опфати твојата визија. Ова е постојаната трансформација на енергија. Животен процес. Не се плаши. Препушти се. Придружи се. Тоа е дел од тебе. Ти си дел од тоа.

Запомни: Над немирната флуктуирачка животна енергија постои ултимативна реалност-Празнината. Твојата свест, без форма и боја е празнина. Крајната реалност. Целото добро. Целиот мир. Светлината. Делот од тебе. Над светлината на животот постои мирната тишина на празнината. Тивкото блаженство над сите трансформации. (The Buddha smile). Празнината не значи ништо(како општа именка). Празнината е почетокот и крајот. Необструирана, светлечка, возбудлива. Дијамантска свест. Твојата сопствена свест, без некоја форма, без мисла без визија, без боја, празнина. Светлечки, блажен и тивок интелект-состојба на перфектна просветленост. Тоа е непроменлива светлина којашто тибетанците ја нарекуваат Buddha Amitabha, свеста на безобличниот почеток.

ВТОРО БАРДО

Запомни: Во оваа сесија ти искусуваш три барда, три состојби на губење на егото. Прво доаѓа Јасната Светлина на Реалноста. Потоа доаѓаат фантастичните варирачки халуцинации. Покасно го достигнуваш стадиумот на преминување/стекнување(процес) во/на его.

Можеби искусуваш его-трансценденција, оддалечување од старото "јас", но ти не си единствениот. Ќе се случи кај сите некогаш. Ти си среќен што го имаш ова подарено преродувачко искуство. Немој да се прилепуваш со врзаноста и слабоста за своето старо "јас". Неможеш да добиеш ништо со борба во овој халуцинирачки свет. Не се врзувај. Не биди слаб. Каков страв или терор да ти се случи, не ги заборавај овие зборови. Сфати го нивното значење во срцето. Оди напред. Тука лежи виталната тајна на препознавањето.

Кога ќе се одделат телото и умот искусуваш блесок на чистата вистина - суптилна, светла, заслепувачка, на изглед како огледало коешто се движи над пролетен пејзаж. Еден континуиран стрим на вибрации. Немој да се плашиш. Тоа е рефлексија на твојата вистинска природа. Препознај ја.

Од средината на тој блесок доаѓа природниот звук на реалноста, одгласувајки се како илјада громови симултано. Тоа е природниот звук на твојот животен процес. Не плаши се. Доволно е да знаеш дека овие појави се всушност твоите мисловни форми. Ако не ги препознаеш, ако ја заборавиш твојата подготовка, тогаш светлата, звуците и зраците ќе те преплашат, луѓето околу тебе ќе те збунат. Запомни го клучот на учењето.

Овие "предели" не доаѓаат некаде од надвор. Тие доаѓаат од внатре и светат во тебе. Исто така откровенијата не доаѓаат од некое друго место. Тие постојат во вечноста, во факултетите на твојот интелект. Клучот за просветлувањето и ведрината во овој период на десетици илјади визии е едноставно ова: Опушти се. Стопи се во нив. Блажено прифати ги чудата на твојата креативност. Немој да се закачиш ниту пак да се плашиш од нив. Не биди привлечен ниту немој да ги одбиваш. Над се, не прави ништо во врска со твоите визии. Тие се само во тебе.

Психоделично искуство 1.2

ИНСТРУКЦИИ

Визија 1 - ИЗВОРОТ

Блескавата енергија на Семето од каде што потекнуваат сите живи форми те обелува (те удира) со светлина толку брилијантна што едвај можеш да ја погледнеш. Не се плаши. Ова е енергија од изворот што зрачи милијарди години манифестирајки се во различни форми. Прифати ја. Немој да ја интелектуализираш. Не ја сваќај наивно. Стопи се во неа. Нека плови низ тебе. Изгуби се во тоа. Растопи се во прстенот на виножитото.

Физички симптоми

Физичките симптоми што ги имаш не се ефект од дрогата. Тие индицираат на тоа дека се бориш против чувствата коишто се предвесници на искуството. Неможеш да ги контролираш овие универзални бранови на енергијата.Остави ги чувствата да се стопат околу тебе. Стани дел од нив. Потони во нив и низ нив. Допушти си да пулсираш со вибрациите коишто те опкружуваат. Опушти се. Не се бори. Симптомите ќе исчезнат веднаш штом ќе се изгубат сите траги од его-борбата. Прифати ги како порака на телото. Уживај.

Визија 2 - Внатрешен тек на архетипски процеси

Животниот тек се врти низ тебе. Бескрајна парада на чисти форми и звуци, заслепувачки, променливи. Не обидувај се да го контролираш. Плови со него. Искуси ги античките космички митови на креацијата и манифестацијата. Не се обидувај да разбереш. Има многу време за тоа покасно. Стопи се со тоа. Нека тече низ тебе. Нема потреба да се реагира или да се мисли. Ти си учен на големи лекции на еволуцијата, креацијата, репродукцијата. Ако се обидеш да го сопреш, може да паднеш во пеколни светови и неподнослива мизерија искреирана од твојот ум. Избегнувај интерпретации. Избегнувај мислење, зборување и делување. Одржувај верба во животниот тек. Верувај на пријателите на ова патување. Стопи се во бојата на виножитото, во срцето на реката на креираните форми. Стекни се со просветлување во пределот наречен Pre-Eminently Happy.

Визија 3 - Огнениот тек на внатрешното обединување

Пловиш надвор во флуидната унија на животот. Екстазата на органскиот оган свети во секоја клетка. Тврдата, сува, трошлива лушпа на твоето его се измива. Се измива во бескрајното море на креацијата. Плови со него. Почувствувај го пулсот на сончевото срце. Нека те исчисти црвениот Буда Амитаба (Buddha Amitabha). Не се плаши од екстазата. Не се противи на текот. Запомни, целата возбудлива сила доаѓа од внатре. Ослободи го твојот товар. Препознај ја мудроста од твојата сопствена крв. Верувај и на брановидната сила којашто те носи во обединување со сите живи форми. Нека твоето срце се распрска од љубов кон животот. Немој да се држиш за екстатичната моќ. Таа доаѓа од тебе. Нека тече. Не се обидувај да ги чуваш старите телесни стравови. Нека твоето тело се соедини со топлиот ток. Нека твоите корени потонат во топлото животно тело. Соедини се со срцето на Буда Амитаба. Плови низ виножитото.

Визија 4 - Брановидна вибрациска структура на надворешните форми

Од оваа позиција стануваш свесен за брановидната структура на светот околу тебе. Се околу тебе се раствора во една вибрација од енергија. Ако погледаш од близу ќе се наштимаш на електричниот танц на енергијата. Нема веке нешта и лица туку само директен тек на честички. Свеста сега ке го напушти твоето тело и ке заплови во стримот на брановидниот ритам. Нема потреба за зборување или акција. Нека твојот мозок стане рецептор на блесокот. Сите интерпретации се продукт на твојот ум. Растерај ги. Не се плаши. Ликувај во природната моќ на твојот мозок, мудроста на твојот електрицитет. Остани во состојба на тишина. Како што тридимензионалниот свет се растура можеби ќе почувствуваш паника. Можеби ке почувствуваш приврзаност кон светот на објекти напуштајќи го. Во тој момент не се плаши од транспарентната, блескавата, заслепувачка брановидна енергија. Дозволи му на твојот интелект да се одмори. Не се плаши од зраците на животот, основната структура на материјата. Основната форма на брановидната комуникација. Набљудивај тивко и прими ја пораката. Сега ќе го искусиш директно откровението на примарните форми.



Визија 5 - Вибрирачки бранови на надворешното обединување

Ја искусуваш едноста на сите живи форми. Ако луѓето ти изгледаат како од гума, без живот, како пластични кукли, не плаши се. Ова е само обид на егото да го зачува својот одделен идентитет. Допушти си да ја почувствуваш Едно-ста на се'. Растопи се во светот околу тебе. Не се плаши. Уживај во танцот на куклите. Тие се креирани од твојот ум. Дозволи си да се опуштиш и почувствувај ја екстатичната енергија/вибрација којашто пулсира низ тебе. Уживај во чувството на едност со целиот живот. Светлечкиот одблесок е рефлексија на твојата свест. Тоа е еден аспект на твојата божествена природа. Немој да се приврзувш за твоето старо "јас". Не се обеспокојувај од новите и чудни чувства коишто ги имаш. Ако се приврзеш за своето старо "јас" ке отидеш во нова рунда на играта за егзистенција. Имај понизна доверба и остани без страв. Ќе се растопиш во срцето на благословениот Ratnasambhava, во прстенот на виножитото, и ќе достигнеш ослободување.

Визија 6

Сега си сведок на магичниот танц на формите. Екстатични калеидоскопски шеми експлодираат околу тебе. Сите можни форми се појавуваат пред твоите очи. Циркус пред очите. Постојана игра на елементи - земја, вода, воздух, оган, во варирачки форми и манифестации, те заслепуваат со нивната комплексност и разноликост. Опушти се и уживај во интензивниот тек. Не се приврзувај за некаква визија или откровение. Пушти се да протече низ тебе. Ако настапат непријатни искуства, пушти ги да протечат. Не се бори со нив. Се доаѓа од внатре. Ова е голема лекција за креативноста и моќта на мозокот, ослободен од научените/врежаните структури. Нека низата од слики и асоцијации те однесе таму каде што ќе те однесе. Медитирај мирно на знењето дека сите овие визии се еманација на твојата свест. На овој начин ќе се здобиеш со знаење (self-knowledge) и ќе се ослободиш.

Визија 7 - МАГИЧНИОТ ТЕАТАР

Се наоѓаш во магичниот театар на херои и демони. Митски суперчовечки фигури. Демони, божици, небески воини, џинови, ангели, бодисатви, џуџиња, ѓаволи, светци, пеколни духови, гоблини, тролови, витези и императори. Богот на танцот. Мудриот стар човек. Божественото дете. Полубогот. Преобразувачот. Чудотворецот. Целиот божествен театар на фигури репрезентирајки ги највисоките дофати на човечкото знаење. Не се плаши од нив. Тие се во тебе. Твојот креативен интелект е главниот магионичар на сите нив. Препознај ги фигурите како аспект на самиот тебе. Целата фантастична комедија се одигрува во тебе. Не "прилепувај" се за формите. Запомни ги учењата и ќе го достигнеш ослободувањето.

Визии полни со гнев

Не си во состојба да ја одржиш перфектната Јасна Светлина на првото бардо или мирните визии на второто бардо. Сега влегуваш во кошмарите на второто. Препознај ги. Тоа се твои мисли во форма на слика или звук. Тоа се продукти на твојот ум. Наговестуваат дека си блиску до ослободувањето. Не им се плаши. Никаква штета неможе да се случи од овие халуцинации. Тоа се твои мисли од застрашувачки аспект. Тоа се стари пријатели. Прифати ги. Придружи им се. Соедини се со нив. Изгуби се во нив. Тоа се твои. Што и да гледаш, без разлика колку и да е застрашувачко или чудно запомни дека доаѓа од тебе. Држи се до ова знаење. Ако го разбираш тоа ќе достигнеш ослободување. Ако не ги препознаеш, тортура и казна ќе следува. Но тоа се само одблесоци на твојот интелект. Не се материјални. Празнина неможе да повреди празнина. Ниедна од мирните или гневните визии, демони што пијат крв, чудовишта, машини или ѓаволи, не постојат во реалноста, туку само во твојата глава. Ова ќе го растури твојот страв.

и нешто друго поврзано со свеста...

Кружен модел на свеста

Интересен модел преку кој се објаснува човековиот нервен систем составил психологот Тимоти Лири. Се работи за 8-кружниот модел на свесноста кај кој секој од 8-те круга се наоѓа на повисоко еволутивно ниво од претходниот. Секој од овие центри (мозочиња), според Лири, се активира или стимулира (ако е веќе активен) со одредена техника или супстанца (дрога).

Лири составил модел базиран на латерализација (поделба) на мозочната функција. Првите четири нивоа, за кои тој смета дека се наоѓаат во левиот дел од церебрумот, се однесуваат на преживувањето на организмите на земјата, додека останатите четири, сместени во десниот дел, би се достигнале во некоја идна еволуција на човекот и засега се неактивни кај големо мнозинство од популацијата.

Овие центри или нивоа на свеста може да се поделат во две групи. Првите четири се нарекуваат земски и се веќе активни, додека останатите четири се вонземски и се неактивни кај огромен дел од луѓето. Фасцинантен за мене е податокот што супстанците кои ги стимулираат првите четири центри предизвикуваат тешка зависност кај луѓето, што не е случај со четирите вонземски нивоа на свесност каде што супстанците кои Лири ги става во тесна врска со нивното активирање не предизвикуваат никаква психо-физичка зависност. Или со други зборови, зависност предизвикуваат супстанците кои што делуваат стимулирачки врз центрите кои што се веќе активирани кај луѓето и според мене сосема е непотребна нивната понатамошна употреба. Гледано од еволуциски и прогресивен аспект, се прашувам зошто да се употребува нешто од кое веќе немаме никаква полза?!

Осумте нивоа (центри или мозочиња) низ кои кружи свеста објаснети од Лири се:

The Bio-Survival Circuit се однесува на најраните облици на преживување како и на првото двоење и препознавање на објектите како опасни или сигурни. Ова ниво на свесност за првпат се појавува во најраната еволуциона фаза на големиот мозок и е прво од осумте кое се активира во умот на новороденчето. Според Лири ова ниво се стимулира со opioid дроги. Ова ниво ја претставува еднодимензионалната перцепција: напред и назад (напред, кон храна и се што е препознаено како сигурно и назад, подалеку од опасност). Исто така е наречено и Oral Bio-Survival Circuit од Роберт Антон Вилсон, кое не упатува на оралниот стадиум од човековиот развиток спомнат во Фројдовата психологија.

The Emotional Circuit се однесува на сировата емоција и двоењето во човековото однесување на доминантно и потчинето. Најнапред се појавило кај рбетните животни, а кај луѓето станува активно во моментот на проодување. Ова ниво на свесност Лири го поврзува со алкохол. Ја претставува втората димензија, горе и долу ( горе, дуејќи се и покажувајќи доминација и долу, пикајќи се меѓу нозе и завземајќи потчинета положба). Роберт Антон Винстон ја нарекува и Anal Emotional Territorial Circuit, кое не упатува на аналниот стадиум од човековиот развиток (Фројд).

The Symbolic Circuit се однесува на логика и симболизам. Се формира кога хоминидот започнал да се разликува од останатите примати. Ја претставува третата димензија, лево и десно, која се однесува на развитокот на вешти движења, ракување со предмети, смислување на нови изуми, вршење на пресметки итн. Се нарекува исто така и The Dexterity – Symbolism Circuit. Ова ниво Лири го поврзува со кофеин и кокаин.

The Domestic Circuit го означува социјалното функционирање и пренесување на културата низ времето. За првпат ова ниво се појавува со самиот развиток на племенските заедници. Лири не поврзува никаква дрога со ова ниво на свесност, но многумина претпоставуваат дека е возможно активирање на овој центар со помош на окситоцин и MDMA. Како и да е, ендорфинот и останатите супстанци кои ги произведува телото за време на социјална интеракција, секако дека може да се поврзе со овој стадиум. Недостатокот на познавање на причините за појавување на овие супстанци во телото, како и немањето метод со кој би се стимулирала нивната продукција, веројатно е причината поради која ова ниво на свесност не го поврзува со некоја дрога. Ова ниво се справува со морални и социо-сексуални племенски правила оставени од претходните генерации и е вовед во четвртата димензија – времето. Наречена од Лири и Вилсон, Socio – Sexual Circuit.

The Neurosomatic Circuit се наоѓа во десната страна од мозокот. Тоа е повисоко ниво на свест и е неактивно кај повеќето луѓе. Активирањето на ова нервно коло отвора мултидимензионален простор наместо веќе познатите четири димензии (простор/време). Ќе ни открие нови патеки во истражувањето и осознавањето на вселената. За првпат се појавува во нашево време и е во блиска врска со хедонизам и еротизам. Лири го поврзува активирањето на ова нервно коло со канабис и практикување на тантричка јога, или едноставно со искусување на сензацијата предизвикана од слободен пад.

The Neuroelectric Circuit се однесува на достигнување свесност за самиот себе, апсолутно независна од претходните шаблони длабоко втиснати со активирањето на претходните пет нивоа. Се нарекува и метапрограмирање, абстрактна свесност, како и свесност за програмираниот ум. Ајнштајновата релативистичка интелигенција на свеста препознава, на пример, дека Еуклидовата, Њутновата и Аристотеловата мапа на реалноста се само три од неколкуте билиони возможни програми и модели на искуство. Според Лири, ова нервно коло овозможува телепатска комуникација и е невозможно да се објасни на оние со мозочна активност само на левата страна и тешко е објасниво на оние со активни пет круга на свесност. За првпат се појавува околу 500 година од нашава ера и е во блиска врска со Патот на Свилата. Лири го поврзува ова ниво на свесност со пејоти кактус, ЛСД и псилоцибин (магични печурки).

The Neurogenetic Circuit овозможува пристап до генетската меморија содржана во ДНК. Ова ниво на свеста е поврзано со меморијата од минатите животи, the Akashic Records, колективната несвесност, бесмртноста. За првпат се појавува меѓу Хинду и Суфи сектите во раната фаза од првиот милениум. Се стимулира со ЛСД како и со практикување на раџа јога. Се нарекува исто така и Morphogenetic Circuit.

The Psycho-atomic Circuit овозможува пристап до интергалактичката свест и му овозможува на човекот да делува надвор од концептот за простор и време како и од принудната релативност. Го поставува мозокот во надворешен квантно-комуникационен систем, во минатото споменат од физичари како Bohm, Walker, Sarfatti, Bell и др. Овој центар е возможно да се отклучи со Ketamine, DMT, како и со многу јаки дози на ЛСД. Наречен е исто и The Neuro-Atomic Circuit, The Metaphysiological Circuit или The Non-Local Quantum Circuit.

му благодарам на Jet Set Avenu!

сликите се дела на: baseMan, Roberto Venosa, Alex Grey и Maura Holden.